Tashqi mehnat migrasiyasi sohasidagi Prezident qarorlari ijrosini "mahallabay" o‘rganish maqsadida Ishchi guruhi joylarga tashrif buyurib, xorijga ishlash uchun ketgan fuqarolar oila a’zolarining muammolarini o‘rganmoqda.
Xususan, Ishchi guruhi a’zolari Qashqadaryo viloyati Yakkabog‘ tumanidagi "Yangiobod", "Ayg‘irko‘l", "Xo‘jailg‘or" mahalla fuqarolar yig‘inida aholi xonadonlarida bo‘lib, muammolarni o‘rgandi.
O‘rganish davomida mehnat migrantlari oila a’zolari tomonidan ish o‘rni va tadbirkorlik bilan shug‘ullanish uchun kredit ajratish masalalarida murojaatlar qilindi. Ishchi guruh tomonidan aniqlangan muammolarni hal etish yuzasidan yo‘l-xaritalari belgilandi.
