Qashqadaryoda sobiq harbiy ikki ayolni pichoqlab o‘ldirdi

U marhumaning kuyovi bo‘lgani aytilmoqda.

Qashqadaryo viloyatining Qamashi tumanida ikki nafar ayol pichoqlab o‘ldirildi. Bu haqida Bosh prokuratura matbuot kotibi Hayot Shamsutdinov Zamon.uz'ga ma’lum qildi.

Qayd etilishicha, qotillik voqeasi kecha, 12 oktyabr kuni sodir bo‘lgan.

Ijtimoiy tarmoqlarda tarqalgan xabarlarga ko‘ra, qotillikda gumonlanuvchi oilaning kuyovi bo‘lgan.

Hayot Shamsutdinovning qo‘shimcha qilishicha, holat yuzasidan Jinoyat kodeksining 97-moddasi (qasddan odam o‘ldirish)ga asosan jinoyat ishi qo‘zg‘atilib, aslida sobiq harbiy xizmatchi bo‘lgan gumonlanuvchi qo‘lga olingan.