Qamchiqda harakatlanib ketayotgan yuk mashinasi butunlay yonib ketdi

Qamchiq dovonida harakatlanib ketayotgan yuk mashinasi butunlay yonib ketdi. FVV holat yuzasidan ma’lumot berdi.

Keltirilishicha, 15 aprel kuni soat 22:41 da Qamchiq maxsus qidiruv, yong‘in-qutqaruv boshqarmasi navbatchilik qismiga dovondan o‘tgan A-373 Toshkent—O‘sh avtomobil yo‘lining Vodiy—Toshkent yo‘nalishida harakatlangan DAF rusumli yuk mashinasida yong‘in bo‘lgani to‘g‘risida xabar kelib tushgan.

Aytilgan manzilga soat 22:50 da Qamchiq maxsus qidiruv yong‘in qutqaruv boshqarmasidan 2 ta ekipaj yetib borgan, soat 22:53 da yong‘in qurshab olingan va soat 23:13 da to‘liq bartaraf etilgan.

Hozirda yong‘in sababi va moddiy zarar miqdori aniqlanmoqda. Hodisa oqibatida tan jarohati olish va halok bo‘lish holatlari qayd etilmadi.