Putin va Si Szinpin ko‘p qutbli dunyo haqida deklarasiya qabul qiladi

Rossiya prezidenti Vladimir Putin va Xitoy rahbari Si Szinpin Pekindagi uchrashuv chog‘ida ko‘p qutbli dunyo va yangi turdagi xalqaro munosabatlar shakllanishi haqida qo‘shma deklarasiyani qabul qiladi.

Bu haqda Rossiya prezidentining xalqaro masalalar bo‘yicha yordamchisi Yuriy Ushakov ma’lum qildi.

Uning so‘zlariga ko‘ra, ikki davlat yetakchilari strategik hamkorlikni yanada mustahkamlash, shuningdek qo‘shnichilik, do‘stlik va hamkorlik munosabatlarini chuqurlashtirish haqida qo‘shma bayonotni ham imzolaydi.

Yuriy Ushakov mazkur hujjat 47 sahifadan iborat yirik dasturiy deklarasiya ekanini ta’kidladi.