"Putin o‘z ismini tarixdagi eng dahshatli vahshiylar ro‘yxatiga abadiy yozib qo‘ydi"

Ukraina TIV rahbari Rossiyaning Kiyevo-Pechersk lavrasiga bergan zarbasini vahshiylik deb atadi

"Xristianlikning eng buyuk muqaddas qadamjolaridan biri — Kiyevo-Pechersk lavrasiga zarba berish orqali Putin o‘z ismini tarixdagi eng dahshatli vahshiylar ro‘yxatiga abadiy yozib qo‘ydi", — deb yozadi Andrey Sibiga o‘zining X ijtimoiy tarmog‘idagi sahifasida.

U Kiyevo-Pechersk lavrasi alohida muhofaza ostida bo‘lgan YUNESKO Butunjahon merosining noyob ob’ekti ekanligini eslatib o‘tdi.

"Biz YUNESKO va boshqa barcha xalqaro mexanizmlar doirasida tegishli tartiblarni zudlik bilan boshlaymiz va ushbu davlat vahshiyligiga nisbatan kechiktirib bo‘lmaydigan hamda munosib javob choralari ko‘rilishini talab qilamiz.

Biz xalqaro institutlar va poytaxtlardan qat’iy munosabat kutamiz. Hech qanday noaniq so‘zlar, sukut saqlash yoki zaif qadamlar bo‘lishi kerak emas. Rossiya vahshiyligini to‘xtatish uchun bizga hozir harakatlar zarur", — dedi Sibiga.