Putin Ukrainani nazorat qilish rejasidan voz kechmagan

AQSh razvedkasi hisobotlariga ko‘ra, Putin Ukrainani nazorat qilish rejasidan voz kechmagan, deya xabar berdi The Washington Post.

Ayrim sobiq va amaldagi amerikalik amaldorlarning fikricha, agar Putin vaqtinchalik otashkesimga rozi bo‘lsa ham, u bu tanaffusdan qayta qurollanish uchun foydalanadi. Shundan keyin, Rossiya sulh shartlarini buzib, provokasiya uyushtiradi hamda bunda Ukrainani ayblaydi.

Nashr manbalaridan biriga ko‘ra, Putinning bu pozisiyasiga oid ba’zi baholar "Trampni g‘azablantirayotgani" ehtimoldan xoli emas. Bunga AQSh prezidenti administrasiyasida so‘nggi paytlarda Rossiyaga qarshi sanksiyalarni kuchaytirish haqidagi muhokamalar bilvosita ishora qilmoqda.