Rossiya prezidenti ilgari ham Ukraina dronlari Finlandiya, Polsha va Boltiqbo‘yi mamlakatlariga uchib kirganini ta’kidladi. Uning so‘zlariga ko‘ra, Ruminiya bilan bog‘liq vaziyatda ham xuddi shunday bo‘lgani ehtimoli mavjud.
"Evropa davlatlari havo hududiga dronlar kirganida har doim ularning birinchi reaksiya “Dod! Ruslar bostirib kelyapti! Ruslar zarba beryapti!”, bo‘lgan. Keyinchalik esa bular Ukrainaning dronlari bo‘lib chiqqan", — deya da’vo qildi Putin.
Rossiya prezidentining qo‘shimcha qilishicha, agar Rossiyaga ekspertiza uchun "ob’ektiv ma’lumotlar" va dron qoldiqlari topshirilsa, Moskva sodir bo‘lgan voqeaga baho beradi.
Eslatib o‘tamiz, 29 mayga o‘tar kechasi Ukrainaga uyushtirilgan hujum paytida Rossiya droni Ruminiyadagi turar joy binosiga urildi, oqibatda ikki kishi jarohatlandi.
Ruminiya prezidenti Nikushor Dan dron qulashini "Rossiyaning Ukrainaga qarshi tajovuzkor urushi boshlanganidan beri mamlakat hududiga daxldor bo‘lgan eng jiddiy hodisa" deb atadi.
1 iyundan tariflar oshadi: oldindan to‘lov qilganlar 2 oy eski narxda to‘laydi
O‘zbekistonda iyunda anomal issiq oqibatida harorat +47° gacha chiqadi
Netanyaxu Quddusdagi shifoxonaga yotqizildi
