Putin Donbass muammosini tinchlik yo‘li bilan hal qilishga imkoniyat berishmaganini aytdi

Rossiya Ukrainadagi vaziyatni tinchlik yo‘li bilan hal qilishni istardi, biroq unga bu imkoniyatni berishmadi. Bu haqda Rossiya prezidenti Vladimir Putin halok bo‘lgan DXR “Sparta” batalyoni komandiri Vladimir Joganing otasi Artyom Joga bilan uchrashuvda ma’lum qildi.

“Agar bu muammoni hal etishning boshqa, tinchlik yo‘llari bilan hal etishning hech bo‘lmaganda bitta imkoniyati bo‘lganida edi, biz, albatta, bu imkoniyatdan foydalangan bo‘lardik. Biroq bizga bu imkoniyatni qoldirishmadi, shunchaki berishmadi”, - dedi Rossiya rahbari.

“Mo‘ljallangan barcha rejalar bajarilmoqda, natijaga erishiladi. Bu borada hech qanday shubha yo‘q”, - deya qo‘shimcha qildi Putin.