Rossiya prezidenti Vladimir Putin Sankt-Peterburg xalqaro iqtisodiy forumi (SPIEF) yalpi majlisida dollarni siyosiy bosim vositasi sifatida qo‘llashga urinish AQShning avvalgi rahbariyati tomonidan yo‘l qo‘yilgan yirik strategik xato bo‘lganini bildirdi.
«Dollardan siyosiy vosita, siyosiy kurash quroli sifatida foydalanishga urinish AQShning avvalgi rahbariyati tomonidan yo‘l qo‘yilgan katta, hatto halokatli strategik xato bo‘ldi», — dedi Putin.
Uning fikricha, Vashington ham buning oqibatlarini anglab yetmoqda.
Rossiya rahbari dollarni AQSh iqtisodiy qudratining asosiy ustunlaridan biri va mamlakatning muhim strategik afzalligi deb atadi.
«Ushbu zaxira valyutasi tufayli AQSh iqtisodiyoti katta foyda ko‘radi. Bu mayda emas, juda katta mablag‘lardir», — dedi Putin.
Uning ta’kidlashicha, AQSh milliy valyutasidan siyosiy maqsadlarda foydalana boshlaganidan keyin boshqa davlatlar ham kelajakda ushbu mexanizm o‘zlariga qarshi qo‘llanilishi mumkinligi haqida o‘ylay boshlagan.
Putinning fikricha, bu jarayon ayrim mamlakatlarni xalqaro hisob-kitoblarda milliy valyutalardan foydalanishni kengaytirish va dollarga qaramlikni kamaytirishga undagan.
So‘nggi yillarda Rossiya, Xitoy va boshqa qator davlatlar tashqi savdoda milliy valyutalar ulushini oshirishga harakat qilmoqda. Shu bilan birga, dollar hozircha ham jahonning asosiy zaxira valyutasi bo‘lib qolmoqda va xalqaro moliya tizimida yetakchi o‘rinni saqlab turibdi.
Rossiya Moliya vazirligi va Markaziy bank Putinni ogohlantirdi
Shahar hokimi va uning o‘nlab xodimlari hibsga olindi
«Jumanji» aktyori vahshiylarcha o‘ldirildi
