Prezident ustidan tergov keyinga qoldirildi

Seul Oliy sudi prezident Li Chje Myon ustidan sud jarayonini "Saylangan davlat idoralari to‘g‘risida"gi qonunni buzganlikda ayblab, noma’lum muddatga qoldirdi.

Bu haqda Yonhap axborot agentligi xabar bermoqda.

Apellyasiya sudi 18 iyunga belgilangan sud majlisini bekor qildi, biroq yangi sana belgilamadi. Sudyalar konstitusiyaning 84-moddasiga asoslanib, amaldagi prezident davlatga xiyonat va fitnada ayblovlar bundan mustasno jinoiy javobgarlikka tortilishi mumkin emas.

2024 yil noyabr oyida tuman sudi Li Chje Myonni “Saylangan davlat idoralari to‘g‘risida”gi qonunni buzganlik uchun shartli qamoq jazosiga hukm qildi. Sud u 2021 yilgi saylov kampaniyasi davomida bir qancha yolg‘on bayonotlar berganligini, jumladan, korrupsiya mojarosi markazida turgan shaxsni tanimasligini aytganini aniqladi. 26 mart kuni Seul Oliy sudi, ikkinchi instansiya sudi siyosatchini oqlab, bu qarorni bekor qildi.

Ammo 1 may kuni Koreya Respublikasi Oliy sudi oqlov qaroriga rozi bo‘lmay, ishni ikkinchi instansiya sudiga qaytardi. Dastlab 15 may kuni sud jarayoni qayta ko‘rib chiqilishi kutilgandi, biroq o‘sha paytdagi muxolifat partiyasi vakillarining chaqiriqlari ortidan sud saylov kampaniyasi uchun adolatli sharoitlarni ta’minlash maqsadida ishni saylovdan keyin, ya’ni 18 iyunga qoldirdi.