Prezident futbolchilar bilan bir jamoa bo‘lib, kubokni ko‘tardi

O‘zbekiston Toshkentda U20 Osiyo Kubogi g‘olibi bo‘ldi.

Finalda jamoa Iroqqa qarshi o‘ynadi va 1:0 hisobida ustun keldi.

Yagona golni 71-daqiqada Umarali Rahmonaliyev penaltidan kiritdi.

O‘zbekiston Iroqni bungacha guruh bosqichida ham yutgandi. O‘shanda jamoa bir kishi kam bo‘lib qolib, 1:0 hisobida ustun kelgan.

Davlat rahbarining maydonga tushib chempionlikni nishonlashi O‘zbekiston tarixida birinchi marta bo‘lmoqda.

Muxlislar ham stadionni haligacha tark etgani yo‘q, tik oyoqda yigitlarni olqishlamoqda.