Pora bilan ushlangan sudya 10,5 yil muddatga qamaldi

Oliy sudning jinoyat ishlari bo‘yicha sudlov hay’ati tomonidan joriy yilning 17 oktyabr kuni e’lon qilingan hukmiga muvofiq YU. E. (1974 yilda Andijon viloyatida tug‘ilgan, jinoyat ishlari bo‘yicha Xonobod tuman sudining sudyasi lavozimida ishlagan) Jinoyat kodeksning 25,168-moddasi 4-qismi “a” bandi va 25,211-moddasi 3-qismi “a” bandida nazarda tutilgan jinoyatlarni sodir etganlikda aybdor deb topilib, unga 2,5 yil davomida mansab lavozimlarida, sud va huquqni muhofaza qiluvchi organlarida ishlash huquqidan mahrum qilgan holda 10,5 yil muddatga ozodlikdan mahrum qilish jazosi tayinlandi.

Birinchi instansiya sudining hukmi ustidan taraflar qonunda belgilangan tartib va muddatda Oliy sudning jinoyat ishlari bo‘yicha sudlov hay’atiga apellyasiya/kassasiya tartibida shikoyat berish va protest keltirishga haqliligi ma’lum qilinadi.