Polsha Xitoy avtomobillariga harbiy ob’ektlarga kirishni taqiqlaydi

Polsha Mudofaa vazirligi harbiy ob’ektlar hududida Xitoyda ishlab chiqarilgan avtomobillarning kirishi va to‘xtab turishini taqiqlashni rejalashtirayotganini ma’lum qildi. Bu haqda money.pl xabar berdi.

Nashrda aytilishicha, Polsha armiyasi Bosh shtabi boshlig‘i Veslav Kukula tegishli farmoyishni tayyorlamoqda. Shuningdek, bunday avtomobillarda xizmatga oid mobil telefonlarni turli qurilmalarga ulash ham taqiqlanadi.

Vazirlik bu qarorni harbiy kontrrazvedka tomonidan berilgan tavsiyalar bilan izohlamoqda. Ushbu tavsiyalar 2025 yildayoq Xitoyda ishlab chiqarilgan qurilmalardan kelib chiqadigan axborot xavfsizligi tahdidlari bilan bog‘liq holda ishlab chiqilgan.