Polsha Ukrainaga Patriot havo hujumidan mudofaa tizimlari uchun mo‘ljallangan raketalarning navbatdagi partiyasini yetkazib berishni rejalashtirmoqda. Bu haqda Rzeczpospolita nashri xabar berdi.
Nashrning hukumat va harbiy doiralardagi manbalariga ko‘ra, Varshava Kiyevga «bir nechta» Patriot raketasini berish niyatida.
Mazkur yetkazib berish NATOdagi ittifoqchilar, jumladan AQSh ma’muriyati bilan muvofiqlashtirilmoqda.
Avvalroq Ukraina Mudofaa vazirligi vakillari Polshaning navbatdagi harbiy yordam paketi qiymati 50 million yevroni tashkil etishi va unga havo hujumidan mudofaa vositalari ham kirishini ma’lum qilgan edi.