Qayd etilishicha, havo hujumlari nishoni Pokiston-Afg‘oniston chegarasi yaqinida joylashgan Laman (Paktika viloyati) va Pasa Mella (Xost viloyati) aholi punktlari bo‘lgan.
Zarbalar 16 mart kuni Pokistonning Xaybar-Paxtunxva viloyatining Mir Ali shahridagi harbiy bazaga uyushtirilgan va yetti nafar pokistonlik askar halok bo‘lgan hujumdan keyin berilgan. Ma’lum qilinishicha, hujumni “Tehrik-e-Tolibon Pokiston” guruhi a’zolari amalga oshirgan.
Reuters agentligi Afg‘onistondagi hukmron "Tolibon" harakati vakillariga tayanib, Pokistonning Afg‘oniston hududiga uyushtirgan ikki havo hujumi oqibatida sakkiz nafar ayol va bola halok bo‘lganini bildirdi.
"Tolibon" harakati, shuningdek, mamlakat hududiga berilgan aviazarbalarga javoban Pokistonga zarbalar berilganini ma’lum qildi.
