Peru AQSh boshchiligidagi "Amerika qalqoni" alyansiga qo‘shildi

Peru transmilliy va mintaqaviy tahdidlarga qarshi birgalikda himoya qilish uchun AQSh boshchiligidagi "Amerika qalqoni" alyansiga qo‘shildi.

AQSh Davlat kotibi Marko Rubio bu haqda El Comercio gazetasida Janubiy Amerika mamlakatlariga qilgan safari bilan bir vaqtda chop etilgan maqolasida e’lon qildi.

"Peruga kelsak, biz Keyko Fuximorining yangi hukumati bilan birgalikda 200 yillik tariximizni kelajakka olib chiqish uchun ishlashga katta optimizm bilan qaraymiz. Biz hozirda NATOga a’zo bo‘lmagan muhim ittifoqchi bo‘lgan Peruni "Amerika qalqoni"ga qabul qilish orqali yarim sharimizni transmilliy va mintaqaviy tahdidlardan himoya qilish bo‘yicha sa’y-harakatlarimizni sinxronlashtirmoqdamiz", deb yozgan Rubio.

Mintaqada Xitoy bilan hamkorlikning o‘sib borayotgan bir paytda, u mamlakatlarni AQSh bilan hamkorlikka ustuvor ahamiyat berishga chaqirdi: "Mintaqamizdagi har bir mamlakat o‘z sheriklarini tanlashda suveren huquqqa ega." Biz faqat bu tanlov mutlaq shaffoflik sharoitida, barcha shartlari jamoatchilik uchun ochiq bo‘lgan holda amalga oshirilishini so‘raymiz."

Shuni ta’kidlash kerakki, "Amerika qalqoni" giyohvand moddalar kartellariga qarshi kurashadigan va qo‘shma harbiy operasiyalar o‘tkazadigan Qo‘shma Shtatlar va bir nechta Lotin Amerikasi mamlakatlari o‘rtasidagi ittifoqdir.