Pep Gvardiola: "60 ming kishi sizni ishdan bo‘shatishni talab qiladigan boshqa kasb yo‘q"

"Manchester Siti" bosh murabbiyi Xosep Gvardiola o‘zi va kasbdoshlariga qaratilgan tanqidlar haqida fikr bildirdi.

"O‘tgan mavsumda men har bir safar o‘yinida bo‘lganimda, tomoshabinlar: "Ertaga seni ishdan bo‘shatishadi!" deya baqirishardi. 60 ming kishi sizni ishdan bo‘shatishni talab qiladigan boshqa kasb yo‘q. Ammo bizning kasbimizda shunchalik yuqori maosh berishadiki, biz bunga ko‘nikishimiz mumkin. Agar istamasang - boshqa ish izla," - deya Gvardiolaning so‘zlarini Reddit keltiradi.

Angliya Premyer-ligasining o‘tgan mavsumida "Manchester Siti" uchinchi o‘rinni egalladi. Xosep Gvardiola jamoasi kelgusi mavsum uchun Chempionlar ligasiga yo‘llanma oldi.