Pekin Vashingtonni Rossiyaga qarshi sanksiyalar sababli javob choralari bilan tahdid qildi

AQShda Rossiya energetika resurslarini sotib oluvchilarga nisbatan bojlar joriy etish to‘g‘risida qonun qabul qilinsa, Xitoy o‘z kompaniyalari va fuqarolarini himoya qilish uchun keskin choralar ko‘radi. Bu haqda Xitoyning AQShdagi elchixonasi ma’lum qildi.

Pekin Vashingtonning bir tomonlama cheklovlarini noqonuniy deb hisoblaydi va vaziyat keskinlashsa, quyidagi qadamlarni tashlashi mumkin:

• Aksilsanksiyalar: AQSh cheklovlarini bajargan xorijiy shirkatlarga Xitoy qonunchiligi asosida jarimalar va taqiqlar qo‘llanadi.
• Resurslar blokirovkasi: Yuqori texnologiyalar uchun zarur bo‘lgan Xitoy kamyob yer elementlarining AQShga eksporti cheklanadi.
• "Qora ro‘yxat": Xitoy manfaatlariga zarar yetkazgan AQSh kompaniyalari Ishonchsiz tashkilotlar ro‘yxatiga kiritiladi.
• Dedollarizasiya: Energetika savdosida AQSh dollaridan voz kechish va milliy valyutalarga o‘tish jarayoni tezlashadi.

Mutaxassislarning fikricha, bunday qadamlar global energiya bozorida narxlar oshishiga va AQSH-Xitoy savdo urushining yangi bosqichiga olib keladi.