Pekin Tayvanga qurol sotgan Yevropa korxonalariga eksport taqiqini joriy etdi

Pekin Tayvanga qurol sotgan Yevropa korxonalariga eksport taqiqini joriy etdi.

​Mamlakat Savdo vazirligi Tayvanga qurol-yarog‘ yetkazib berganlikda ayblab, Yevropaning yettita korxonasiga nisbatan ikki tomonlama maqsadli tovarlar eksportini taqiqladi. Sanksiyalar ro‘yxatiga Germaniyaning "Hensoldt AG", Belgiyaning "FN Browning" va Chexiyaning to‘rtta kompaniyasi, jumladan "Excalibur Army" kiritilgan.

Bu Pekinning Yevropaga nisbatan Tayvan masalasi tufayli qo‘llagan kamyob cheklovlaridan biri bo‘ldi. Ushbu taqiq dronlar va mikrosxemalar ishlab chiqarish uchun zarur bo‘lgan texnologiyalar hamda kamyob yer osti boyliklarini o‘z ichiga oladi.

Endilikda Xitoyda ishlab chiqarilgan ikki tomonlama maqsadli mahsulotlarni mazkur yettita tashkilotga yetkazib berish qat’iyan man etiladi. Chexiya TIV rahbari Pekindan rasmiy izoh talab qilgan bo‘lsa-da, Xitoy tomoni Yevropa Ittifoqini bu vaziyatdan oldindan xabardor qilganini bildirdi.