Toshkent viloyatining Parkent tumanidagi xususiy hayvonot bog‘ida uch bosh sher hujumi oqibatida halok bo‘lgan qorovul ishi bo‘yicha sud hukmi o‘qildi.
Hodisa 2024 yil 17 dekabr kuni sodir bo‘lgan edi. Uch bosh sher eshik ochiq qoldirilganidan foydalanib, qafasni tark etgan. So‘ngra ularni qafasga qaytarmoqchi bo‘lgan qorovulga tashlangan. 1980 yilda tug‘ilgan erkak hodisa joyida joni uzilgan edi.
Hayvonot bog‘i xodimlari 2 bosh sherni uxlatuvchi dori vositasini qo‘llab, qafasga qaytargan. Yana bir sher mahalliy ovchi tomonidan otib o‘ldirilgan.
Hodisa yuzasidan xususiy hayvonot bog‘i direktoriga nisbatan jinoyat ishi qo‘zg‘atilib, ehtiyot chorasi sifatida qamoqqa olingan edi.
Sudlanuvchi Jinoyat kodeksining 257-moddasi (Mehnatni muhofaza qilish qoidalarini buzish) ikkinchi qismida nazarda tutilgan jinoyatni sodir etganlikda aybdor deb topildi va 3 yil muddatga ozodlikni cheklash jazosi tayinlandi. Qamoqqa olish ehtiyot chorasi bekor qilinib, sud zalida ozod etildi.
1 maydan 500 kVt⋅soatgacha bo‘lgan yangi miqdor joriy qilindi
O‘zbekistonda yangi ekilgan piyoz narxi rekord darajada qimmatladi
AQSH-Xitoy urushi boshlanadi: Mutaxassislar dahshatli bashorat bilan chiqdi
