Parijdagi yirik yong‘in Fransiya poytaxtidagi eng eski yopiq oziq-ovqat bozori – Anfan-Ruj (Marché des Enfants Rouges)ni butunlay vayron qildi, deb xabar beradi BBC.
1615 yilda tashkil etilgan ushbu bozor o‘zining ko‘cha taomlari bilan mashhur bo‘lgan va doimiy ravishda dunyoning eng yaxshi o‘nta bozorlari qatoridan joy olgan.
Fransiya ommaviy axborot vositalarining xabar berishicha, yong‘in soat 3 atrofida sodir bo‘lgan. Bir necha soatdan keyin o‘t o‘chiruvchilar yonib ketgan inshoot qoldiqlarini suv bilan sovutishda davom etishgan.
Yong‘in sababi hali aniqlanmagan
— Biz voqea joyiga yetib kelganimizda, yong‘in allaqachon avj olgan edi. Yong‘in yopiq bozorning butun ichki qismini qamrab olgan, — dedi yong‘in xizmati vakili Pyer de Buvye.
Uning so‘zlariga ko‘ra, yong‘in 1000 kvadrat metr maydonga tarqalgan.
— Bozor butunlay vayron bo‘lgan. Binoning o‘zi va uning metall konstruksiyalari butunlay vayron bo‘lgan. Qutqaruvchilarning asosiy vazifasi yong‘inning bozor ustidagi turar-joy binolari va do‘konlarga tarqalishining oldini olish edi, — deb tushuntirdi u.
Voqea joyiga erta tongda yetib kelgan Parijning markaziy tumanlari meri Ariel Veyl Le Parisien nashriga bozor butunlay yonib ketganini aytdi.
— Ertalab soat yetti. Odamlar va savdogarlar kela boshladi. Anfan-Ruj bozori butunlay vayron bo‘lgan, deyarli butunlay yonib ketgan, — dedi u.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Nega aynan Erkinjon Turdimov? Bu qaror ortida qanday omillar turibdi?
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
