Parij prokuraturasi Mask va X ijtimoiy tarmog‘iga qarshi tergov boshladi

Parij prokuraturasi tadbirkor Elon Mask va uning X kompaniyasiga qarshi dastlabki tergov boshladi.

Bu haqda Le Monde gazetasi manbaga tayanib xabar berdi.

Gazeta xabariga ko‘ra, bu qaror Mask 20 aprel kuni so‘roqqa kelmaganidan keyin qabul qilingan. X kompaniyasining sobiq bosh direktori Linda Yassarinoga qarshi ham tergov boshlangan.

Avvalroq prokuratura Yevropol va Fransiya Jandarmeriyasining kiberjinoyatchilik bo‘limi bilan birgalikda X kompaniyasining Fransiyadagi ofislarida tintuv o‘tkazgan. Bu 2025 yil yanvar oyida Ilon Mask ijtimoiy tarmog‘iga qarshi uning algoritmlari haqidagi shikoyatlardan so‘ng boshlangan tergov bilan bog‘liq edi. Tergov shuningdek, Xolokostni inkor etish va sun’iy ravishda yaratilgan jinsiy tasvirlar bilan bog‘liq materiallarni nashr etayotgan o‘rnatilgan chatbot Grok haqidagi shikoyatlardan kelib chiqqan.