Ozarboyjon va Putin o‘rtasidagi nizo yangi bosqichga o‘tdi

Boku Rossiya bilan munosabatlardagi ziddiyat tufayli MDH iqtisodiy kengashida ishtirok etishdan bosh tortdi. Bu qaror ikki davlat o‘rtasidagi keskinlashuv fonida qabul qilindi.

Ozarboyjon bosh vazirining birinchi o‘rinbosari Yaqub Ayyubov Moskvada o‘tadigan Mustaqil Davlatlar Hamdo‘stligi (MDH) iqtisodiy kengashi yig‘ilishida ishtirok etmaydi. Bu haqda Trend nashriga tayanilgan holda ma’lum qilindi.

Manbalarga ko‘ra, Bokuning bu qarori Rossiya bilan munosabatlarda yuzaga kelgan jiddiy muammolar bilan bog‘liq. Jumladan, 2024 yil dekabrida Qozog‘iston havo hududida ozarboyjonlik AZAL aviakompaniyasiga tegishli uchoq Rossiyaning Grozniy shahrida ukrain dronlariga qarshi kurash vaqtida havo hujumidan himoya tizimi tomonidan shikast yetkazilgani tufayli aviahalokatga uchragan va 38 kishi halok bo‘ldi. Ozarboyjon Moskvadan rasmiy kechirim va tovon talab qildi, biroq Rossiya hukumati bu masalani hal qilishda passiv qolmoqda.

Shundan so‘ng, Boku «Russkiy dom» markazi faoliyatini to‘xtatdi va «Sargrad» hamda «Match TV» kabi bir qator Rossiya OAVlarini blokladi. Rossiya-Ozarboyjon munosabatlari yana 2025 yil iyun oyida keskinlashdi. Yekaterinburg shahrida ozarboyjonlik ikki fuqaro — Ziyoddin va Husayn Safarovlar maxsus operasiya chog‘ida halok bo‘ldi. Ular 20 yil avvalgi jinoyatda gumonlanishgan. Ozarboyjon buni FSB xodimlari tomonidan «beshafqat o‘ldirish» deb atadi va Rossiya elchisiga nota topshirdi.

Bu voqealar ketidan ikki davlatda ham o‘zaro qatag‘onlar boshlandi. Jumladan, 30 iyun kuni Bokuda Kremlga bog‘liq «Sputnik» agentligi xodimlari qo‘lga olindi. Ertaga esa ikki rahbar — Igor Kartavix va Yevgeniy Belousov firibgarlik, noqonuniy biznes va pul yuvish ayblovi bilan hibsga olindi. Ular FSB agentlari sifatida gumon qilinmoqda.

Shu hafta Yekaterinburg sudi Ural ozarboyjon diasporasi rahbari o‘g‘lini ham hibsga oldi. Unga Rossiya hukumat vakiliga nisbatan zo‘ravonlik ishlatish ayblovi qo‘yilgan.