Ozarbayjon Ukrainaga yana $1 million yordam ajratdi

Boku Ukrainaga insonparvarlik yordami doirasida yangi mablag‘ ajratdi. Ushbu mablag‘ elektr jihozlarini sotib olishga yo‘naltiriladi.

📌 2022-2024 yillar davomida Ozarbayjon tomonidan Ukrainaga ajratilgan yordamning umumiy miqdori taxminan $40 millionga yetdi.

Avvalroq Ozarbayjon Ukrainaga generatorlar, transformatorlar va dori-darmonlar yetkazib bergan, shuningdek, ukrainalik bolalarni reabilitasiya qilish uchun o‘z hududida qabul qilgan edi.

Ozarbayjon prezidenti Ilhom Aliyev avvalroq «Ukrainadagi urush ikkala xalq uchun ham katta fojea, chunki ular bir-biriga etnik va diniy jihatdan juda yaqin», deb ta’kidlagan edi.