Joriy yilda ilk bor Ijtimoiy himoya milliy agentligi va O‘zbekiston kasaba uyushmalari federasiyasi hamkorligida yangi ijtimoiy loyiha yo‘lga qo‘yildi.
Loyiha doirasida mamlakat bo‘ylab 7–14 yoshli 1295 nafar yetim va ota-ona qaramog‘idan mahrum bo‘lgan bola kasaba uyushmalari oromgohlarida 12 kunlik bepul dam oladi.
Yo‘llanma, safar va dam olish bilan bog‘liq barcha xarajatlar davlat hisobidan qoplanadi.
Hozirning o‘zida 1062 nafar bola oromgohlarga yuborilib, sog‘lomlashtirish tadbirlari boshlangan.