Oq uydagi UFC turniriga qancha muxlis kiritilishi aytildi

UFC prezidenti Dana Uayt 14 iyun kuni Vashingtondagi Oq uy hududida o‘tkazilishi rejalashtirilayotgan turnir uchun rejalar yakunlaganini e’lon qildi.

Chiptalar umumiy sotuvga chiqarilishi kutilmaydi, ammo tomoshabinlar kiritilishi uchun ruxsat beriladi.

Tomoshabinlarning aksariyati Oq uyning Janubiy maysazoriga joylashtirilishi reja qilingan, qolgan muxlislar uchun esa yaqin atrofda tomosha maydoni bo‘ladi.

"Biz hozirgina barcha logistika masalalarini, maydonning joylashuvidan tortib, tomoshabinlarning maksimal sonigacha muhokama qilib, rejalarni tugatdik. Aftidan, biz Oq uy maysazoriga taxminan 5000 kishini sig‘dira olamiz. Bu Janubiy maysazor. Ko‘chaning narigi tomonida park bor - menimcha, u Ellips deb ataladi. O‘sha yerga biz 85 000 tomoshabinni sig‘dira olamiz. Kun bo‘yi katta ekranlar, sahna va musiqa bo‘ladi", deydi Uayt.