Oq uy Zelenskiyni Alyaskaga taklif qilish imkoniyatini ko‘rib chiqmoqda

NBC News ma’lumotlariga ko‘ra, AQSh prezidenti Donald Tramp Ukraina prezidenti Vladimir Zelenskiyni Alyaskada Vladimir Putin bilan uchrashuvga taklif qilish imkoniyatini ko‘rib chiqmoqda.

NBC «yuqori martabali AQSh amaldaori va ichki muzokaralar haqida xabardor bo‘lgan uch kishi»ga tayanadi. «Bu muhokama qilinmoqda», — dedi manbalardan biri telekanalga. Oq uy amaldaori ham Zelenskiyning Alyaskaga kelishini «butunlay» mumkin deb atadi. Bundan tashqari:

«Hamma bu amalga oshishini juda xohlaydi. Prezident hali ham ikkala davlat rahbari bilan uch tomonlama sammitga ochiq», — deyiladi.

Zelenskiy 9-avgustdagi kechki video murojaatida Kiyevning muzokaralarda ishtirok etishini talab qildi:

«Ukraina uchun tinchlik yo‘li faqat Ukraina bilan birga va faqat Ukraina bilan belgilanishi kerak, bu prinsip masalasi».

Evropa liderlari ham «tinchlik yo‘li» Ukrainasiz qurilmasligi kerak deb hisoblaydi. Muzokaralar to‘xtashga olib kelishi kerak, deydi Buyuk Britaniya, Fransiya, Germaniya, Italiya, Polsha, Finlyandiya va Yevropa Komissiyasi prezidenti Ursula fon der Lyayen. Xalqaro chegaralar kuch bilan o‘zgartirilmasligi kerak, deydi Yevropa, ammo:

«Joriy to‘qnashuv chizig‘i muzokaralar uchun boshlang‘ich nuqta bo‘lishi kerak».

NBC manbalari aytishicha, Tramp ma’muriyatida uchrashuvni rejalashtirish davom etmoqda.