Oq uy matbuot kotibi lavozimidan ketgach ham Trampga maslahat berishda davom etadi

Oq uy matbuot kotibi lavozimini tark etayotgan Kerolayn Levitt AQSh prezidenti Donald Trampga maslahat berishda davom etishini ma’lum qildi. Levitt avgust oyi oxirida o‘z lavozimidan ketishi kutilmoqda.

«Prezident Tramp mendan tashqi doirada uning katta maslahatchisi sifatida faoliyatimni davom ettirishimni so‘radi. Men esa har doim MAGA harakati va Respublikachilar partiyasining faol tarafdori bo‘lib qolaman», — deb yozdi Levitt X ijtimoiy tarmog‘idagi sahifasida.

Tramp ham Levitt Oq uydagi lavozimini tark etganidan keyin uning eng yaqin tashqi maslahatchilaridan biri bo‘lib qolishini ma’lum qilgan.