AQSh prezidenti shifokori Shon Barabellaning ma’lum qilishicha, Tramp yillik tibbiy ko‘rikdan o‘tgan va uning natijalari 78 yoshli prezidentning umumiy sog‘lig‘i yaxshi ekanini ko‘rsatmoqda.
Shifokorning so‘zlariga ko‘ra, yurak-qon tomir, nafas olish, nevrologik va boshqa muhim tana tizimlari ko‘rsatkichlari me’yorida. Kognitiv funksiyalar, jumladan xotira va reaksiya darajasi yoshga mos holda, jiddiy buzilishlar aniqlanmagan.
Alohida e’tibor ruhiy-emosional holatga qaratilib, maxsus testlar natijalariga ko‘ra, prezidentda xavotir va depressiya belgilari past darajada ekanligi qayd etilgan.
Tibbiy xulosada prezidentga amaldagi kun tartibini o‘zgartirish bo‘yicha hech qanday tavsiya berilmagan. Shifokor Donald Tramp “jismonan va ruhan yaxshi holda” ekanini tasdiqlab, uning kundalik faoliyatiga ta’sir ko‘rsatadigan kasallik belgilari yo‘qligini alohida ta’kidlagan.
“Tez orada Xudoning yordami bilan — bu butun Isroil yurti bo‘ladi”
Rubl dunyoning barcha valyutalarini ortda qoldirdi
Van Damm Putinga murojaat qildi
