Oq uy Baydenning ayrim faoliyatlarini tekshiradi

Oq uy AQShning sobiq prezidenti Jo Baydenning hujjatlarni imzolashda avtoruchkadan foydalanganini tekshirish uchun o‘n minglab hujjatlarni tahlil qilmoqchi.

Bu haqda Fox News telekanali manbalarga tayanib xabar berdi.

Ularning ma’lumotlariga ko‘ra, tergovni Oq uyning yuridik maslahatchilar boshqarmasi olib bormoqda va uning xodimlari o‘z harakatlarini Adliya vazirligi bilan muvofiqlashtirmoqda. Milliy arxivlar va ish yuritish boshqarmasi ularga avtoruchkani ishlatish bilan bog‘liq o‘n minglab hujjatlarni o‘qish uchun topshirgan. Oq uy avtoruchkadan foydalanish xavfsizligini kafolatlash choralari ko‘rilgan-ko‘rilmaganligini aniqlash uchun bir millionga yaqin hujjatlarni, jumladan sobiq ma’muriyatning rasmiy yozishmalarini tahlil qilishni kutmoqda.

"Oq uy o‘rganmoqda. Sobiq prezident qaysi hollarda buyruq bergan va qaysi hollarda u buyruq bermagan. Avtoruchkadan foydalanish faqat prezident biror narsa qilishni xohlayotganini aytgan yoki uning roziligi olingan hollarda qonuniydir" - dedi o‘zini ismini oshkor etmagan AQSh rasmiysi telekanalga.

Oq uy matbuot kotibi Kerolin Levitt Fox News telekanaliga bergan intervyusida "Tramp Oq uyi Bayden Oq uyida ishlar qanday amalga oshirilgani haqidagi Amerika xalqining ko‘plab savollariga javob berishga tayyor" dedi. Uning ta’kidlashicha, Bayden "mamlakat tarixidagi eng qobiliyatsiz va eskirgan prezident" bo‘lib, Oq uy xodimlari tomonidan boshqariladigan "prezidentlik vakolatlarini avtoruchkaga topshirgan". Fox News eslatishicha, avtoruchka Baydenning prezidentlik muddati oxirida chiqarilgan avf etish haqidagi farmonlarda ham mavjud. Ushbu barcha kechirimlardan Amerika ma’muriyatining sobiq rahbari shaxsan faqat bittasini imzolagan, bu uning o‘g‘li Xanterga tegishli.