Oq qulupnay haqida eshitganmisiz?

Oq qulupnay seleksiya (chatishtirish yo‘li bilan o‘simliklarning yangi navini chiqarish) natijasidir.

Ushbu nav Chili va Virjiniya qulupnaylari chatishtirilganda paydo bo‘ldi. Qizig‘i, chatishtirish paytida reza mevalarni qizil rangga “bo‘yaydigan” gen yo‘qolib, hatto pishib yetilganida ham qulupnayning rangi oq bo‘lib qolgan.

Bunday qulupnay ta’mi va yumshoqligi jihatidan qizil ranglisidan umuman farq qilmaydi. Ba’zida u hatto shirinligi bilan undan oshib ketadi va ta’mi ko‘proq tropik mevalarni eslatadi.