Koreya Respublikasi prezidenti Yun Sok Yolning qamoqda saqlash muddatini uzaytirish zarurligi to‘g‘risidagi sud majlisi o‘tkazilayotgan G‘arbiy okrug sudi hududiga ruxsatsiz kirishga uringan kamida 17 kishi ushlandi, deb xabar bermoqda Yonhap agentligi.
Uning ma’lum qilishicha, mahalliy vaqt bilan taxminan soat 17:24 da bir erkak sud binosi atrofidagi devordan oshib o‘tgan va darhol qo‘lga olingan. U prezidentni ozod qilishni talab qilgan. Shundan so‘ng yana 16 kishi to‘siqdan oshib o‘tib, sud hududiga kirgan. Ular ham ushlangan. Bu shaxslar prezident tarafdorlari bo‘lishi taxmin qilinmoqda.
Sud binosi oldida prezidentning tarafdorlari miting o‘tkazmoqda, ular prezidentni qamoqdan ozod qilishni talab qilmoqda. Polisiyaning ma’lumotlariga ko‘ra, taxminan 12 ming kishi ishtirok etmoqda.
Qamoq muddatini uzaytirish bo‘yicha sud majlisi mahalliy vaqt bilan soat 14:00 da boshlandi. Sobiq prezidentlar bilan bog‘liq shunga o‘xshash eshituvlar tajribasidan kelib chiqib, masala yechimi kechasi kech soatlargacha cho‘zilishi mumkinligi taxmin qilinmoqda.
Shavkat Mirziyoyev «Manchester Siti» futbol klubi xo‘jayini bilan uchrashdi
"Kutilmagan tomondan kelgan zarba": Eronning bu qaroriga odamlar nima deyapti?
AQSh Ukrainadagi mojaroda Rossiya g‘alaba qozonganini e’lon qildi
