AQSh vise-prezidenti J.D. Vens Daniya tashqi ishlar vaziri Lars Lokke Rasmussen va Grenlandiya mustaqillik va tashqi ishlar vaziri Viviane Motzfeldt bilan yopiq eshiklar ortida muzokaralar o‘tkazadi, deb xabar berdi The Washington Post manbalarga asoslanib.
Gazeta manbalariga ko‘ra, Daniya va Grenlandiya diplomatlari dastlab Vens bilan emas, balki AQSh Davlat kotibi Marko Rubio bilan uchrashuvni so‘rashgan. Muzokaralar dastlab Davlat departamenti uchun rejalashtirilgan edi, ammo Vens ishtirok etish istagini bildirganidan keyin joy Oq uyga o‘zgartirildi, deyishdi manbalar.
Marko Rubio, J.D. Vens, Lars Lokke Rasmussen va Viviane Motzfeldt yopiq eshiklar ortidagi muzokaralarda ishtirok etishadi, deb xabar berishdi rasmiylar gazetaga anonimlik sharti bilan.
Bloomberg xabariga ko‘ra, Daniya va Grenlandiya vakillari uchrashuvda AQSh prezidenti Donald Trampning orolga oid «asl niyatlari» haqida bilishni istashadi. Agentlik xabar berishicha, muzokaralar davomida Daniya va Grenlandiya tomonlari Qo‘shma Shtatlarni orolni anneksiya qilmaslikka ko‘ndirishga harakat qilishadi.
Donald Tramp Amerika milliy xavfsizligini ta’minlash uchun Grenlandiyaning Qo‘shma Shtatlarga qo‘shilishi zarurligini bir necha bor ta’kidlagan. 13 yanvar kuni Kongressda orolga davlatchilik huquqini berish to‘g‘risidagi qonun loyihasi taqdim etildi. Grenlandiya hukumati hududni anneksiya qilish g‘oyasini rad etdi. Bugun Amerika prezidenti NATOni Qo‘shma Shtatlarga Grenlandiyani olishga yordam berishga chaqirdi. Politico nashrining xabar berishicha, Tramp orolni referendum orqali annesiya qilmoqchi.
"Tez orada Vatanimga qaytishga hozirlik ko‘rmoqdaman"
Propan narxining ko‘tarilishi bo‘yicha bayonot e’lon qilindi
Italiya Bosh vaziri: "Evropa va Rossiya o‘rtasidagi muloqotni qayta tiklash vaqt keldi, aks holda Putinning qo‘lida o‘ynaymiz"
