Rossiyada migrantlarni ishga jalb etish bo‘yicha yangi tajriba o‘tkaziladi

Ushbu tartib 2027 yil 1 yanvardan 2029 yil oxirigacha Moskva va Moskva viloyatidan tashqari barcha hududlarda amal qiladi.

❗️Yangi loyihaga ko‘ra, RFda ishlash uchun kelayotgan migrantlar faqat tashkillashtirilgan tarzda ishga qabul qilinadi. Ya’ni, ish beruvchi korxona yoki tadbirkor avval maxsus ro‘yxatga kiritiladi, migrant esa xorijiy ishchilar reestridan o‘tkaziladi.

Tajriba o‘tkazilayotgan hududlarda migrantlarni ishga olishning boshqa yo‘llariga ruxsat berilmaydi. Hukumat bu orqali har bir hududda nechta migrant ishlashi mumkinligini o‘zi belgilamoqchi.