Nukusdagi omborxonada yong‘in sodir bo‘ldi

Qoraqalpog‘iston Respublikasi Nukus shahridagi “Jeke Terek” MFY joylashgan qurilish mollari omborxonasida 8 oktyabr kuni soat 12:47 da yong‘in sodir bo‘ldi. Bu haqda FVV matbuot xizmati xabar berdi.

Ma’lum qilinishicha, 4 ta yong‘in-qutqaruv ekipajlari soat 12:53 da voqea joyiga yetib borib, yong‘in soat 13:09 da o‘rab olingan va soat 13:15 da o‘chirilgan.

Yong‘in oqibatida 150 kv/m maydonda qurilish mollari yonib zararlangan, shuningdek, tan jarohati olgan va vafot etganlar yo‘q. Yong‘in sababi va moddiy zarar miqdori aniqlanmoqda.