“Norin”da suv ko‘tarilishi: FVV 7 ishchiga yordam ko‘rsatdi

Bugun, 3 may kuni soat 06:41 da Namangan viloyati FVBga "112" tizimi orqali, Uychi tumani "Guliston" MFY hududida yangi ko‘prik qurilishida ishlayotgan 7 nafar ishchilar "Norin" daryosi suvi ko‘payib ketishi oqibatida daryo o‘rtasidagi quruqlikda qolib ketganligi va amaliy yordam zarurligi to‘g‘risida xabar kelib tushgan.

Mazkur xabarga asosan, FVB qutqaruvchilari aytilgan manzilga yetib borishgan va maxsus texnika yordamida fuqarolarga amaliy yordam ko‘rsatishgan.