Noqonuniy muhojirlarni olib ketayotgan qayiq Liviya qirg‘oqlarida cho‘kib, 18 kishi halok bo‘ldi

Liviyaning g‘arbidagi Surman shahri qirg‘oqlarida noqonuniy muhojirlarni olib ketayotgan qayiq cho‘kib ketishi oqibatida 18 nafar kishi halok bo‘ldi.

Liviya Bosh prokuraturasi bayonotiga ko‘ra, jinoiy guruh muhojirlarni dengiz orqali Yevropaga olib o‘tishga urinishni tashkil etgan.

Hodisa bo‘yicha tergov ishi boshlangan. Omon qolgan muhojirlarning ko‘rsatmalari asosida rasmiylar voqeaga aloqador jinoiy tarmoq a’zolarini qidirish va hibsga olish ishlarini olib bormoqda. Omon qolganlar soni va ularning millatlari hali aniqlanmagan.