Ostonada To‘qayevning sobiq maslahatchisi o‘ldirildi

Qozog‘istonda prezidentning sobiq maslahatchisi va prezident aloqa xizmatining sobiq rahbari Yerjan Babakumarov o‘ldirildi.

Bu haqda "Kazinform" xabar bermoqda.

Dastlabki ma’lumotlarga ko‘ra, o‘limga hujum sabab bo‘lgan. Gumonlanuvchi qo‘lga olingan.

"Fojea 30 oktyabrga o‘tar kechasi sodir bo‘lgan. Dastlabki ma’lum bo‘lishicha, Yerjan Babaqumarov kechani do‘stlari bilan o‘tkazgan. Yig‘ilganlar o‘rtasida nizo kelib chiqqan va janjal mushtlashuvga aylangan. Boboqumarov olgan jarohatlari natijasida vafot etgan", - deyiladi xabarda.

Erjan Babaqumarov Axborot vazirligida, Olmaota hokimligida, Bosh vazir devonida va Prezident ma’muriyatida mas’ul lavozimlarda ishlagan.

U, shuningdek, Siyosiy fanlar jamoat akademiyasining akademigi va Qozog‘iston siyosiy fanlar uyushmasi a’zosi edi.

2019 yilda Babaqumarov Qozog‘iston prezidenti Qosim-Jomart To‘qayevning maslahatchisi bo‘ldi. Uning oxirgi lavozimi prezident huzuridagi markaziy aloqa xizmati direktori bo‘lgan.