Nissan va Honda birlashish bo‘yicha muzokaralarni to‘xtatdi

Yaponiyalik avtomobil ishlab chiqaruvchi korxonalar rahbarlari 2024 yil oxirida birlashishi mumkinligi haqida e’lon qilgan edi.

Lekin kompaniyalar o‘zaro kelishuvga erisha olmadilar. Sabablardan biri Honda rahbariyati Nissan'ga uning sho‘ba korxonasi bo‘lishni taklif qilgan. Bu esa ikkinchi tomonga ma’qul kelmagan.

Agar kompaniyalar birlashganida, yangi konsorsium Toyota va Volkswagen'dan keyin dunyodagi uchinchi yirik avtomobil ishlab chiqaruvchisiga aylanishi mumkin edi.