Neymarning yangi jamoasi nomi deyarli ma’lum

«Santos» hujumchisi Neymar kutilmaganda allaqachon yozda jamoasini o‘zgartirishi mumkin.

Avvalroq xabar berilganidek, yulduz braziliyalikka «Sinsinnati» klubi qiziqish bildirmoqda. Topskills Sports UK ma’lumotlariga ko‘ra, 34 yoshli futbolchining otasi MLS klubi bilan ehtimoliy hamkorlik shartlari muhokama qilinadigan muhim uchrashuvni kutmoqda. AQSh klubi prezidenti va xo‘jayini bilan muzokaralar yaqin kunlarga rejalashtirilgan.

«Sinsinnati» rahbariyati Jahon chempionati yakunlanganidan so‘ng Neymarni o‘z safiga qo‘shib olishga qat’iy qaror qilgan. Futbolchining «Santos» bilan amaldagi shartnomasi joriy yilning oxirigacha amal qiladi.