Neymar «Santos» safidagi golidan so‘ng o‘z xeyterlariga murojaat qildi

«Santos» hujumchisi Neymar Braziliya chempionatining 20-turidan o‘rin olgan «Shapekoense»ga qarshi bahsda (2:2) ikkita gol urdi.

36-daqiqada Neymar hisobni ochdi. U golni nishonlashni o‘z xeyterlariga yo‘llangan murojaatga aylantirdi. Avvaliga futbolchi muxlislarning hushtaklariga javoban qo‘lini qulog‘iga olib bordi, so‘ngra tarmoqda salbiy izohlar qoldirayotgan xeyterlar go‘yoki buni pul evaziga qilishayotganiga shama qildi. Bundan tashqari, u burchak bayroqchasini sug‘urib olib, golf zarbasini taqlid qildi.

89-daqiqada hujumchi penaltini aniq amalga oshirdi — bu «Santos»ga mag‘lubiyatdan qutulib qolish imkonini berdi.