Neymar haqidagi xabarlar yolg‘on bo‘lib chiqdi

Braziliyalik futbolchi Neymar "Marsel" klubiga o‘tish niyatida emas. Bu haqda insayder Sasha Tavolyeri ma’lum qildi.

Ilgari ayrim ommaviy axborot vositalari Fransiya klubi "Santos" rahbariyati bilan Neymarni sotib olish yuzasidan muzokaralar boshlashni rejalashtirmoqda, deb xabar bergan edi.

"Neymarning "Marsel"ga o‘tishi haqidagi xabar butunlay asossiz. Bu haqiqatga to‘g‘ri kelmaydi," deya Tavolyeri o‘zining ijtimoiy tarmoqlaridagi sahifasida yozdi.

Neymar o‘tgan qishda "Santos"ga qaytgandi. Joriy mavsumda braziliyalik futbolchi 16 ta o‘yinda ishtirok etib, 4 ta gol urdi va 1 ta golli uzatma berdi.