Netanyaxu: "Isroil xavfsizlik muammolariga duch kelmoqda"

Isroil hamon xavfsizlik muammolariga duch kelmoqda, chunki uning ba’zi dushmanlari yana hujum qilish uchun o‘zlarini tiklashga harakat qilmoqda.

Bu haqda Isroil bosh vaziri Benyamin Netanyaxu mamlakatning yirik telekanallari orqali namoyish etilgan xalqqa videomurojaatida ma’lum qildi.

"Kampaniya tugamadi. Biz hali ham katta xavfsizlik muammolariga duch kelmoqdamiz. Ba’zi dushmanlarimiz bizga yana hujum qilish uchun o‘zlarini qayta qurishga harakat qilmoqda. Lekin biz to‘g‘ri yo‘ldamiz", - dedi Netanyaxu, Isroil qayerda jang qilgan bo‘lmasin, dunyoni larzaga solgan ulkan g‘alabalarga erishishini qo‘shimcha qildi.