«Netanyaxu falastinliklarni qirib tashlamoqda»

Turkiya Tashqi ishlar vazirligi Isroilning G‘azo sektoridagi harakatlarini keskin qoraladi. Bayonotda aytilishicha, Xon Yunus shahrida «xavfsiz hudud» sifatida belgilangan al-Mavasi shahrida falastinliklarga qilingan hujum «Netanyaxu hukumatining falastinliklarni butunlay qirib tashlashga qaratilgan harakatlaridagi navbatdagi qadam»dir.

Turkiya Tashqi ishlar vazirligining ta’kidlashicha: «Hamasning o‘t ochishni to‘xtatish haqidagi ijobiy javobiga Isroil yana bir bor qon to‘kishni tanlagani ham Netanyaxu hukumatining doimiy o‘t ochishni to‘xtatish bo‘yicha muzokaralarni oldini olishga harakat qilayotganining isbotidir».

❕ Turkiya Tashqi ishlar vazirligi xalqaro hamjamiyatni qat’iy choralar ko‘rishga chaqiradi: “Isroilni qo‘llab-quvvatlovchi davlatlar nihoyat bu vahshiylikka «to‘xta» deyishlari kerak”.