Netanyahu Isroil prezidentiga o‘zini afv etish so‘rovi bilan rasman murojaat qildi

Netanyahu Isroil prezidentiga o‘zini afv etish so‘rovi bilan rasman murojaat qildi — The Times of Israel.

Isroil prezidenti Ishak Gersog apparati vakillarining ma’lum qilishicha, Adliya vazirligining afv etish bo‘limi barcha tegishli organlarning fikrlarini yig‘ib, keyin ularning tavsiyalarini yuridik maslahatchiga yuboradi.

Binyamin Netanyahuga qarshi korrupsiya bo‘yicha tergov 2016 yil dekabr oyida boshlangan, 2019 yilda esa unga nisbatan bir necha korrupsiya holatlari yuzasidan rasmiy ayblov qo‘yilgan. Netanyahu barcha ayblovlarni rad etib kelmoqda.

"Isroil bosh vaziri, xususan, milliarder va Gollivud prodyuseridan o‘zining shaxsiy va biznes manfaatlari yo‘lida yordam evaziga o‘nlab ming dollar qiymatidagi sovg‘alar olganlikda ayblanmoqda. Shuningdek, Netanyahu ommaviy axborot vositalari magnatlariga o‘zi va oilasining faoliyatini ijobiy yoritishi evaziga yordam berganlikda gumon qilinmoqda", deya yozmoqda The Times of Israel.

Avvalroq Tramp Isroil prezidentiga Netanyahuga qarshi korrupsiya bo‘yicha ishni to‘xtatishni so‘rab maktub yo‘lladi.