Dunyoning boshqa qismlaridan mamlakatlarni o‘z safina qabul qilish orqali kengaytirish, alyansning rejalarida yo‘q — NATO bosh kotibi Yens Stoltenberg.
Bosh kotib bu haqda Bryusselda bo‘lib o‘tgan matbuot anjumanida, alyansning Osiyo-Tinch okeani mintaqalari mamlakatlari bilan aloqalari to‘g‘risidagi savollariga javob bera turib aytib o‘tdi.
Uning ta’kidlashicha, NATO mamlakatlarining xavfsizligi, Osiyodagi voqealarga ham bog‘liq. "Xavfsizlik mintaqaviy emas, global masala", — deya qo‘shimcha qildi u.
