Anqarada o‘tgan NATO sammitida Ukrainaga Rossiya hududi ichkarisiga uzoq masofali zarbalar berish imkoniyatlarini kengaytirish masalasi muhokama qilindi. G‘arb davlatlari buni Moskvaga bosim o‘tkazish va urushni tugatishga xizmat qiladigan omil sifatida baholamoqda.
NATO bosh kotibi Mark Ryutte Rossiya energetika infratuzilmasiga berilgan zarbalar Moskva uchun qo‘shimcha bosim yaratayotganini ta’kidladi.
AQSh prezidenti Donald Tramp esa vaziyatning keskinlashuvi urushni yakunlash bo‘yicha muzokaralarga turtki berishi mumkinligini bildirdi. AQSh davlat kotibi Marko Rubio ham Ukraina tomonidan Rossiya hududiga uzoq masofali zarbalar so‘nggi oylardagi muhim o‘zgarishlardan biri bo‘lganini qayd etdi.
Kreml esa bu yondashuvni rad etdi. Rossiya prezidenti matbuot kotibi Dmitriy Peskov harbiy bosim orqali tinchlikka erishish mumkinligi haqidagi qarashni «noto‘g‘ri tushuncha» deb atadi. Uning so‘zlariga ko‘ra, bunday harakatlar Rossiyani xavfsizlik hududini yanada kengaytirishga majbur qiladi.
Rossiya tashqi ishlar vaziri Sergey Lavrov ham NATO sammitidan keyin G‘arb bilan Ukraina masalasida muzokaralar o‘tkazish imkoniyati deyarli qolmaganini bildirib, Moskva G‘arbning harakatlarini Rossiyaga nisbatan bosimni kuchaytirish siyosati sifatida baholayotganini aytdi.
O‘n yildan so‘ng pulning ahamiyati deyarli qolmaydi
Eron 200 nafardan ortiq amerikalik harbiy xizmatchilarni yo‘q qildi
Rossiya xalqini hech qachon yengib bo‘lmaydi
