NATO ikkita Eurofighter qiruvchisini havoga ko‘tardi

NATO Boltiq dengizi ustida Rossiyaga tegishli samolyot aniqlangani sababli ikkita Eurofighter qiruvchisini havoga ko‘tardi

Bu haqda Handelsblatt Germaniya harbiy-havo kuchlariga tayanib xabar bermoqda.

Ma’lum qilinishicha, Rossiyaga tegishli samolyot xalqaro havo makonida parvoz rejasisiz harakatlangan va aloqaga chiqmagan.

"Germaniyaning Rostok-Lage aviabazasidan ikkita Eurofighter qiruvchilari havoga ko‘tarildi va rus samolyotini vizual tarzda aniqladi. Taxminlarga ko‘ra, bu Rossiyaning Il-20M razvedka samolyoti bo‘lgan", deya yozmoqda nashr.