"Nasaf"ning xalqaro maydondagi mag‘lubiyatli seriyasi davom etmoqda

Kecha Elit OCHL 1-turi doirasida "Nasaf" klubi Saudiya Arabistonining "Al Ahli" klubiga mag‘lub bo‘ldi - 2:4.

Shu tariqa, Ro‘ziqul Berdiyev boshchiligidagi jamoaning xalqaro maydondagi mag‘lubiyatli seriyasi 5 ta o‘yinga yetdi.

"Nasaf" o‘tgan yil OCHL 2 musobaqasi guruh bosqichidagi oxirgi 4 ta o‘yinda mag‘lubiyat alamini totib ko‘rgandi. "Ajdarlar" so‘nggi bor 2024 yilning 2 oktyabr kuni, o‘z maydonida BAAning "Shabab Al Ahli" klubi ustidan (2:1) zafar quchishgandi.

Eslatib o‘tamiz, "Nasaf" Elit OCHL doirasidagi navbatdagi bahsni 29 sentyabr kuni Qarshida Saudiya Arabistonining "Al Hilol" klubiga qarshi o‘tkazadi.