Namanganda o‘quvchi boshqargan avtomobil yuk mashinasi bilan to‘qnashdi

2 aprel kuni Namangan viloyati, Davlatobod tumanida maktab o‘quvchisi tomonidan boshqarilayotgan Nexia-3 avtomobili qarama-qarshi yo‘nalishga chiqib, yuk avtomobili bilan to‘qnashdi.

Namangan viloyati IIB YHXB videolavhasida avtomobilning yuk mashinasi bilan to‘qnashgani va yuk mashinasi uni bir necha metrga sudragani ko‘rinadi.

Qayd qilinishicha, to‘qnashuv oqibatida yengil avtomobil haydovchisi va yo‘lovchi og‘ir ahvolda shifoxonaga yotqizildi. Ikkalasi ham maktab o‘quvchisi ekani aytilmoqda.

Surishtiruvda ma’lum bo‘lishicha, avtomobil 220 ming so‘m evaziga 9-sinf o‘quvchilariga ijaraga berilgan.